180 Graffiti Production
- 180 Graffiti Production — граффити мен көше қабырғаларына ауқымды суреттер (муралдар) салумен айналысатын шығармашылық топ. 2026 жылы команда Алматыда Көк-Жайлауды сақтап қалуды қолдайтын мурал салды. Бұл аумақта Almaty Super Ski тау шаңғысы курортын салу жоспарланған. Команданың Instagram парақшасындағы туындының астында: «Кейде даму дегеніміз — біз тұрғыза алатын нысандар емес, сақтап қала алатын құндылықтар» деген жазу жарияланған. Авторлар муралдың алғашқы күндердің өзінде боялып, жойылуы мүмкін екенін түсініп, тәуекелге қарамастан бұл мәселеге бейжай қарай алмайтынын және туындыны жүзеге асыру туралы шешім қабылдағанын жеткізді. Мурал табиғи аумақты сақтау мәселесіне қоғам назарын аударды. Алайда туынды пайда болғаннан бірнеше күн өткен соң оның үсті боялып, сурет өшірілді.
