"Мен ZhasCamp қоғам алдында тұрған барлық мәселелер мен қиындықтарды шеше алады деп отырған жоқпын, бірақ мұндай жайттардың пайдасы зор. Жастардың дайын шешімдерді шындық ретінде қабылдап қана қоймай, ойлана алуы, өз бетінше әрекет етуі және еркін таңдау негізінде біріге білуі өте маңызды. ZhasCamp – бұл ойын айту еркіндігіне, бас қосу еркіндігіне, бірігу еркіндігі мен кейіннен бірлесіп әрекет ету еркіндігіне арналған алаң. Сондықтан, бұл қоғамның дамуының қалыпты, қалтықсыз табиғи формасы және мұндай форманың бары өте жақсы".

"Мен жалпы жастарды жақсы көремін. Олар армандап, алдарына жоспар қоя біледі және оларға қол жеткізуден қорықпайды, шекараны бұзады, ал оған батылдық қажет. Мен ZhasCamp-тан дәл осындай жастарды көрдім. Маған Қазақстанның түкпір-түкпірінен келген өкілдердің болғаны ұнайды. Өзбекстан мен Қырғызстаннан келген көлемді делегациялардың болғаны өте маңызды. Бұл біздің аймақ, араны шекара бөліп жатса да, бізде біртұтас мәдени кеңістік бар. Жастардың бір-бірімен араласып, әзілдесіп, ойнап-күлуіне жағдай жасалғаны маңызды".

"Мен Қазақстанға алғаш рет табан тіредім және жастарда қызығушылық барын көріп отырмын, ZhasCamp бағдарламасы да – жақсы стартап, өйткені олар көптеген адамдармен кездеседі, әртүрлі тақырыптар жайында сөйлеседі, әрине осылай, олар өз тақырыптарын тауып, онымен жұмыс істей алады. Менің тағы бір таң қалғаным - ешкім кешікпеді. Грузияда, егер 10-да келу керек десеңіз, он жартымда келеді. Кешікпей келді және белсенді, сұрақтар қояды – маған бұл қатты ұнады, мен олар өздері қалаған нәрсеге қол жеткізе алады деп ойлаймын".

"Бұл конференцияны жағдайға бей-жай қарамайтын адамдар ұйымдастырады. Өкінішке орай, мен көз болсын деп өткізілетін көптеген конференцияларды көріп жүрмін және ZhasCamp-та бәрі өзім күткендей болғанына өте қуаныштымын. Креативті индустриялар мен әлеуметтік кәсіпкерлік саласында ОА үшін түйісу нүктесін табуға көптеген мүмкіндіктер бар. Мұны дәстүрлі секторларда жасау біз үшін әлдеқайда қиын. Өзімнің естігеніме, мен сөзсіз үн қаттым, бұл мен қуана-қуана айтатын нәрселер".

"Бәрі де өте әдемі, жас, көздерінде ұшқын бар, олар үшін қызықты. Ертерек тұрып, Қырғызстанда қыздардың спутникті қалай жасап жатқанын тыңдауға келді. Болмаса менің сессиямды тыңдауға келді. Сондықтан мен ұйымдастырушылар шақырған кезде, қоғамда Әлемді өзгертетін 5% адам бар деген белгілі теория бойынша осы жерге тап болған адамдарды көру үшін үнемі келуге келісемін және маған олардың кем дегенде 3% осында жүргендей болып көрінеді".

"Тамаша бастама, өте жақсы, жас және ақылды қатысушылар. Өздерінің айналасына комьюнитиді жинайтын ЖасКэмп, МОС, Ololo секілді ұйымдар мен бастамашыл адамдар қажет, өйткені қауымдастықтар мен айналасында пікірлес адамдар болған кезде, адамның, әсіресе жас адамның өзін қандай да бір үлкен іске берілгендігін сезінуі өте маңызды".

"Пікірталастың басында мен осы аудиторияның нешеуі феминист екенін сұрадым да, шамамен үш адам қол көтерді. Бұл өте қызық, өйткені тіпті көзбен шолып қарағанда да ол адамдар бөлектеніп тұрды, олар басқалардан ерекшеленді. Яғни олар киім кию әдісі, мінез-құлық арқылы үйреншікті стереотиптерді бұзуға тырысады. Яғни белгілі бір топ гендерлік тепе-теңдік үшін күресуде және олардың саны мен де осы жаста болған кездегі осындай жастар ортасындағыдан әлдеқайда көп".

"Парламентке жасалатын экскурсиялар – Қазақстанның Жастар ақпараттық қызметінің маңызды жобасы. Қазір, өңірлерде жұмыс істей жүріп, мен адамдардың Парламент деген не екені, депутаттардың кім екені, олардың міндеттері қандай екені, олардың не үшін жұмыс істеп, олармен қалай қарым-қатынас жасауға болатыны тұрғысынан мүлдем хабарсыз екенін, тіпті түсіне бермейтінін көріп жүрмін. Жастар Парламентке барып, бұл құрылымның қалай жасалғанын көргенде, әрине, болашақта мұндай өзара қарым-қатынас жолға қойылмақ".