Премия 2020 жылдан бері ұйымдастырылып келеді. Қалалар: барлық Қазақстан. "Жыл адамы және жыл бастамасы" сыйлығы жас белсенді қазақстандықтардың демократиялық процестерді дамытуға қосқан үлесі туралы баяндайды. Бұл жоба – адам құқықтары, медиа, өнер, экология, қалалық инфрақұрылым сынды әр түрлі салаларды қамтиды. Олардың кейбіреулері үлкен аудиторияға мәлім, ал енді бірі өз жолын енді бастайды.

Премия әрқайсысы төрт санаттан тұратын екі номинацияны қамтиды:

"Жыл адамы": "Белсенділік", "Белсенділік: аймақтар", "Әйелдер құқығы", "Журналистер мен блогерлер";

"Жыл бастамасы": "Экология және урбанизм", "Медиа", "Адам құқықтары", "Арт-белсенділік".;

2022 жылдан бастап біз тағы бір арнайы санатты енгіздік: "Ерекше еңбек" – мұнда біз премияның мақсатты аудиториясына кірмейтін, бірақ назар аударарлық жұмыс атқарған отандастарымызға дауыс беруге шақырамыз.

Сыйлықтың тұжырымдамасына сәйкес, өткен жылғы жеңімпаздарды биыл ұсынуға болмайды. Бұл жаңа жобалардың танылуына мүмкіндік беру үшін жасалады. Дауыс беру жыл сайын қарашадан желтоқсанға дейін өтеді. Ережемен мына жерден танысуға болады.