Salem Social Village
- Salem Social Village — Қазақстанда білім беру мен қайырымдылық бағыттарын дамытып келе жатқан қоғамдық ұйым. Мұнда ағылшын тілі курстары, тегін сөйлесу клубтары және онлайн қарқынды оқыту бағдарламалары ұйымдастырылады. Сонымен қатар команда кофеханасы бар Salem Hub атты қоғамдық кеңістік ашқан. Мұнда түрлі кездесулер, іс-шаралар, зияткерлік ойындар мен киноталқылаулар өткізіледі. Бұл кеңістіктің басты ерекшеліктерінің бірі — инклюзивті орта қалыптастыруы. Мұнда мүмкіндігі шектеулі жастар өз қатарластарымен бірге араласып, ортақ қауымдастықтың толыққанды мүшесі ретінде қатыса алады. Сондай-ақ елдегі жалғыз «ЭкСПИДиция» жобасы да осы кеңістікте жүзеге асырылады. Бұл — АИТВ/ЖИТС-тің алдын алуға, осы тақырыпқа қатысты стигмамен күресуге және АИТВ-мен өмір сүретін немесе жұқтыру қаупі жоғары адамдарға жанашырлықпен қарауды қалыптастыруға бағытталған интерактивті әлеуметтік модельдеу ойыны. Жобаның әдістемесі Crossroads халықаралық ұйымының тәжірибесіне негізделген.
