2017 жылдың маусым мен қараша айлары аралығында ҚЖАҚ-тың Астана филиалының директоры Анар Мажит «Жаңа құқық қорғаушылар ұрпағы» стипендиялық жобасы аясында «Астана жоғары оқу орындарындағы студенттердің сенім бостандығы құқығы» тақырыбында зерттеу жүргізді. Зерттеу Астананың үш ірі білім беру мекемесін қамтыды: С.Сейфуллин атындағы Қазақ агротехникалық университеті, Л.Н. Гумилев атындағы Еуразия ұлттық университеті және Қазақ экономика, қаржы және халықаралық сауда университеті.